Skálað við Karl Lagerfeld

Karl Lagerfeld er náttúrulega snillingur og er líka maður sem kann að meta gæði. Hann hefur leitast eftir því að varðveita handverksþekkingu hjá Chanel og einhvern veginn treystir maður honum þegar hann segist kunna að meta handverkið hjá sænska glermunaframleiðandans Orrefors en þar eru glösin gerð í höndunum. Hann hefur núna hannað nýja línu af glösum og nokkrum vösum (takmarkað magn) í samvinnu við Orrefors. Hann lýsir því í skemmtilegu myndbandi á síðu framleiðandans hvernig það sé allt annað líf að drekka Diet Coke-ið úr almennilegu glasi. Hann hannaði líka undirskálar sem passa akkurat fyrir glösin og segist ekki skilja af hverju þessi kaffibollahefð hafi ekki smitast yfir í glös fyrr. Línan er glær, hvít og svört enda ekki hægt að búast við neinu öðru frá meistaranum.

Hvíti liturinn er mjög skemmtilegur.

Vasi framleiddur í takmörkuðu upplagi.

Fyrir kampavínið.

Öll glösin eru með undirskál.

Fjölskyldan í fyrirrúmi

Bo Bedre er með sérstaklega skemmtilegt innlit í litríka fjölskylduíbúð. Þarna eru margar góðar hugmyndir og innlitið sannar að það þarf ekki bara að vera svarthvítt til að vera smart. Þarna er skemmtileg notkun á sterkum litum í bland við svart, hvítt og ljóst. Ég er nú samt mun hrifnari af rauðu heldur en þessum græna.

Magnaður sófi og svo er ég líka skotin í ávaxtaskálinni frá IKEA.

Mjög skemmtilegt að raða uppskriftabókunum svona upp. Þær eru líka oft svo fallegar. Er að spá að stela þessari hugmynd.

Það fer barnabókunum líka vel að vera í svona mjóum hillum enda eru þær margar svo fallegar eins og kokkabækurnar.

Gómsætt á tjaldsvæðinu

Í svona leiðinlegu haustveðri er bara nauðsynlegt að rifja upp góðu stundirnar í sumar... Það er svo ótrúlega margt annað hægt að grilla en bara pulsur á ferðalagi. Grænmeti er frábært á grillið og okkur Sverri tókst ágætlega upp með það í Laugarásnum í sumar. Fetaosturinn (nýi kubburinn) setur alveg punktinn fyrir ofan i-ið. Svo þarf líka gott kaffi á svona ferðalagi en það er fátt betra en nýlagaður espresso á prímusnum.

Lífrænt eggaldin frá Engi með fetaostinum góða.

Caprese salat er frábært meðlæti.

Gulræturnar voru ekkert smá gómsætar.

Örvar valdi sér Coco Pops í afmælismorgunmat.

Og Oddur valdi Frosties.

Basilikan gegndi líka hlutverki stofublóms.

Espressokaffi á prímus er æði.

Góðir grannar

Oddur við hliðið á Bárugötunni.

Myndin fallega sem kynnir alla helstu leikmennina til sögunnar.

Rósa og Örvar úti að keyra.

Strákarnir eru voða glaðir með stelpurnar á efri hæðinni og þeim kemur öllum vel saman. Tvær stelpur af þremur voru í heimsókn þegar ég kom heim í dag. Minnti mig á fallegu myndina sem beið okkar þegar við komum heim eitt sumarkvöldið.

Hlutir fá nýtt hlutverk

Flestir þekkja sófann sem Holly Golightly var með í íbúð sinni í Breakfast at Tiffany's. Núna er hægt að kaupa sinn eigin sófa hjá síðunni Reestore sem einblínir á nútímalega og græna hönnun. Þar fæst líka stóll sem var áður innkaupakerra og borð sem var áður flugvélavængur. Skemmtilegt!

Audrey Hepburn lék Holly Golightly í myndinni.

Þessi er frekar svipaður og frægi kvikmyndasófinn þó ég kunni betur að meta litapallettuna hjá Miss Golightly.

Sannarlega grænn stóll.

Hugurinn fer áreiðanlega á flug við svona skrifborð.

XXL gluggasæti

Gluggasætin eru af ýmsum stærðum og gerðum og þetta hér er svo sannarlega í stærri kantinum. Þetta er í íbúð í miðborg Kaupmannahafnar (sem er til sölu). Sá þetta á Facebook-síðu Innlits útlits (sem er alveg ágætur þáttur) en myndirnar koma héðan. Restin af íbúðinni er ekkert slor heldur.

Þetta gluggasæti er eiginlega orðið að sófa.

Mér finnst þetta koma mjög flott út.

Djásn og óskasteinar

Rauður eins og rúbín.

 Svo ánægð með þessa nýju kertastjaka

Ótrúlega flott viskíglös. Fást hér

Ég er svo hrifin af öllu sem glitrar. Það er bara svo fallegt hvernig ljósið brotnar í skornum kristal, já eða plasti. Elska rauða kollinn sem nýtist svo vel sem stóll eða borð. Keypti síðan þessa fínu handskornu kristalkertjastjaka á markaðnum á Eiðistorgi um daginn. Þarf þá bara að eignast þessi glæsilegu viskíglös.

Pallatími

Oddi finnst gaman að borða morgunmatinn úti.

Og Örvari líka.

Agúrkur eru góðar.

Borð strákanna var ég svo heppin að finna í Góða hirðinum fyrir skemmstu. Og indjánatjaldið líka. Algjör nostalgía. Ég fékk sjálf gult indjánatjald í fjögurra ára afmælisgjöf frá mömmu og pabba. Í þessu kuldakasti getur maður ekki annað en látið sig dreyma um betri tíð og pall í garði. Pallurinn hjá okkur hefur allavega virkað eins og aukaherbergi síðustu sumur. Það er bara svo gott að borða úti.

Huggulegt hjá Önnu Leenu

Veit ekki alveg hvort konseptið útisófi gengur upp á Íslandi en það er ansi huggulegt hjá þessari. Sófarnir eru úr pallettum.

Annað sófahorn úr pallettum. Ansi sniðugt, útihúsgögn eru dýr.

Hér sjást palletturnar betur.

Svefnherbergi í eldhúsinu

Fannst skrýtið að rekast á þessa mjög svo góðu lausn (ef lofthæðin er mikil en fermetrarnir færri) EINU SINNI en fannst ótrúlegt að sjá fljótlega eftir það mynd af annarri manneskju sem sefur í eldhúsinu sínu. Ætli þetta sé algengt?

Þessi heitir víst Charlotte Rust, myndi fengin hér og þar er líka meira.

Finnsk fjölskylda býr í þessu húsi en foreldrana vantaði pláss og fluttu fyrir ofan eldhúsið. Myndin og fleiri hér.

22 rue de la Paix

Það ættu allir að kynnast þessari Parísaraddressu en þarna eru höfuðstöðvar Repetto til húsa. Ballerínuskór eru í miklu uppáhaldi hjá mér og þessir eru þeir allra bestu. Er mjög fegin að hafa keypt nokkur pör fyrir hrun (ansi dýrir núna), sem eru því miður að spænast upp og ég neyðist því að fara bráðum til Parísar að endurnýja birgðirnar. Það er bara ekkert betra en að ganga berfættur í ballerínuskóm á sumrin.

Ég á eins og þessa svörtu efstu. Ótrúlega þægilegir.

Á líka svona, þessir eru spari. Keyptir í höfuðstöðvunum.

Kannski bláir blári glansskór verði næstir í safnið? Eða svartir?

Á líka svona, held þeir séu bestir.

Gainsburg var líka hrifinn af Repetto.

Hann notaði þessa gerð, Zizi.

Í espadrillum á Rivíerunni

Á hverju einasta vori leitar hugur minn til Rivíerunnar... Væri ekki gott að eignast espadrillur til að koma sér í réttu stemninguna?

Þetta er góður stíll fyrir sumarið frá ms. Hepburn.

Ég myndi vilja eiga einhverja svona.

En þessir frá Louboutin eru samt ágætir.

Grace Kelly tekur sig líka vel út í espadrillum.

Kisan kallar þetta rivíeraskó. Veit ekki með það en samt ágætir. Fyrir bæði kynin á 9.500 kr.

Guðdómleg höfuðdjásn

Er maður einhvern tímann of gamall til að vera með höfuðdjásn? Brúðkaupið hefur nefnilega eitthvað látið á sér standa....

NÝTT: Einhverjum tískuvitum þótti þetta of mikið en mér fannst leikkonan Isabel Lucas bara mjög smart í þessu á Met-galanu.

GAMALT: Eugenie keisaraynja lét búa til þetta höfuðdjásn úr perlum fyrir brúðkaup hennar og Napóleons III.

Hvar ertu gluggasætið mitt?

Verð einhvern tímann að eignast eitt svona. Manni hlýtur að líða vel í gluggasæti!